Os días 28 (xoves) e 29 (venres) de xuño, en horario de 17:30 h a 20:30 h, na sede do Colexio na praza de América, 2-1º andar, Aula 1, levarase a cabo o VII Curso de Estranxeiría, segundo o programa que se xunta, que ten carácter de obrigatorio para todos os letrados que desexen incorporarse á citada especialidade da quenda de oficio. Número de prazas: 50.
De non completarse as prazas, tamén poderán asistir os que xa estean adscritos á quenda de estranxeiría e o resto dos colexiados, nesta orde. Os interesados deberán inscribirse enviando por correo electrónico a
colexio@icavigo.org a seguinte
solicitude. Prégase a quen se inscriba a responsabilidade de asistir para evitar que resten prazas que poderían aproveitar outros compañeiros. Confirmarase a admisión mediante correo electrónico.